Movies Mein Actor Ya Actress Banana Hai Toh Yeh 3 Chize Aapke Pass Honi Chahiye!

Three Things You Must Have To Become an Actor or Actress in Movies! Warna Kaam Nahi Milega.

1. Acting Portfolio - Tumhare 20 photos toh bhi hone chahiye jo tum directors, producers, casting directors ya executive producers ko send kar sako. Aksar mere pass ladke ladkiya aati hai ki unhe acting ka koi role chahiye. Ab main saal bhar movies nahi banate rehta lekin mere contacts mein bahot se filmmakers hai jinka koi na koi project chalte rehta hai. Ab man lo ki koi mere pass aata hai aur mujhe uski acting pasand aai lekin main uski help kaise karu? Kyunki darling, mujhe bhi aage kuch forward karne ke liye chahiye hota hai. Agar tum kisi director se contact karo ya production manager se toh unhe bhi kisi aur ko send karne ke liye kuch chahiye na. Main kya bolu aage "Bhai, main ladki se mila, mast actress hai, uske liye kuch hoga toh batata." Ab aage wale ka reply aayega "Thik hai na bhai, uske kuch sample photos send karna." Ab main kya jawab du, kyunki ladki ne khudka koi photoshoot ya portfolio banaya hi nahi. Usne mujhe selfies bheje, selfies ka kya achhar dalu. Selfies matlab aage wali ya aage wala apne profession ko leke serious nahi hai. Ab jab woh serious nahi hai khudke career ko leke toh mujhe kaunsi padi hai usko kaam mile isliye hath pair maru. Isliye dosto, agar is field mein jana hai toh khudka ek zabardast portfolio hona hi chahiye. Maine bola Zabardast, kisi zhandu photographer se kuch bhi aade tede pics mat khichwa lena aur bolna ki yeh portfolio hai.
2. Acting Showreel - Acting showreel matlab tumne pehle jaha jaha kaam kiya hai un videos ke thode thode tukde. Ab kuch ladke ladkiya photos khichke mujhe dikhate hai aur role mangte hai. Arey bhai, photos se yeh pata chalta hai ki bandha alag alag looks mein dikhta kaisa hai lekin yeh kaha pata chalta hai ki bandhe ko anting aati bhi hai ki nahi. Aage wala bolega ya bolegi, maine yaha kaam kiya hai waha kaam kiya hai. Ha bhai, lekin teri baato ka kya karu, kuch hoga dikhane ke liye, koi video toh dikha, yeh baate karna bada aasan hai. Upar se mere pass kaam nahi hoga tumhare liye toh main kisi aur ko bol sakta hu, lekin kisi aur ko bhejne ke liye kuch chahiye na. Chal mere pass nahi, tum kisi aur se bhi contact karo toh us important person ke pass tumhare jaise bahot se log aate hoge kaam mangne ke liye, ab woh kya partiality kare aur tumhe kaam de jabki woh tumhe janta bhi nahi. Isliye ek Acting showreel toh bana hi lo. Agar nahi banai hogi ab tak toh bhi koi filmmaker tumhe 25,000 rupees ke andar ek achhi script ke sath tumhari acting showreel banake de sakta. Ya fir contact me, mere contacts mein kuch achhe filmmakers hai jinhone kai newcomers ko achhi acting showreel 25,000 rs se leke 50,000 rs. tak banake di hai.
3. Resume - Yup! You must have a resume even if you are going in acting field. Dekho yaar, zyadatar log jo professional filmmakers ko contact karte hai woh facebook ya whatsapp se karte hai. Na woh khudke baare mein batate hai na khudka education, experience, strengths, weaknesses batate hai. Kehne ka matlab kisi se chat kar lene se uske baare mein hum filmmakers decide nahi kar pate. Aur decide kar bhi le toh aksar decisions chuk jate hai. Lekin aage wala person apna resume send karta hai toh pehle toh uska achha impression girta hai. Dusra uske baare mein 2 pages mein bahot kuch pata chal jata hai. Ho sakta hai tum acting mein thode kamzor ho, lekin Achhe Driver ya Painter ho. You may never know, tumhari dusri skills ke wajah se tumhe role ya kaam mil jaye. Lekin aksar ladke apni dusri skills, dusre fields ki acheivements batate hi nahi. I remember maine Pushpak Bhongade naam ke ladke ko major role diya tha sirf isliye kyunki usey badiya khana banana aata hai aur achha driver hai jo non-stop 24 ghante car chala sakta hai. Unmein acting ka kida toh tha hi sath hi sath dusre skills bhi the jiski wajah se uska selection karna aasan tha. Ek proper resume banane se aur badmein usey dusre filmmakers ko send karne se waise bhi tumhara impression competition mein lage baki newcomers se achha girta hai.

• Make a Good Portfolio Which Should Have Nearly 20 Photos in Four Different Looks.
• Make Your Acting Showreel of Nearly 3 minutes in Duration Which Shows Your Acting Skills as Well as Your Dialogues Delivery.
• Make a Professional Resume Before Contacting Filmmakers to Get A Role.

If you have any other questions, mention in comment section and if you want to make this three things in affordable budget, you can contact me by filling out the form.