Ok, Toh tumhe Facebook pe koi ladki ya ladke ki profile dikhi toh tumne socha chalo chat karte, flirt karte, ya sirf batchit karte aur tumne pehla msg bheja 'Hi' toh tum chutiye ho.
Agar tumhe 'HI' ladki ko bheja hai Toh?
- Woh reply nahi karegi kyunki tumhare jaise bahot se log yahi harkat karte hai. Tumne 'Hi' bhejke koi tir nahi maara. Uske inbox mein aise kai saare 'Hi-Bye' pade huye hai.
- Uska agar reply aayega bhi toh bhi 'Who is this' ya 'Kaun' aayega. Ab yeh reply koi achha nahi hai kyunki aksar zhandu ladke fir batate hai 'I am First Name and Last Name'. Ab agar woh tujhe janti hai mere bhai, teri koi purani friend hai toh thik hai lekin agar woh unknown ladki hai toh usko tera naam nahi janana. Uske sawal yeh hai 'Abey zhandu, msg kyun kiya woh bata badmein khudka naam batana? Abey ghanchakkar, shah rukh khan nahi hai tu jo unknown hone ke bawajud khudko famous samaj raha! Abey saale, tujhe mera number diya kisne pehle yeh bata?
- Pehla msg important hai reply ke liye aur agar usne kuch der reply nahi kiya aur tune galti se bhi aur 2-3 msg bhej diye jaise 'Plz reply me' , 'Arey bhav kyun kha rahi ho, ek jawab toh do' toh samaj le bhai teri izzat toh gai. Ladki khud hoke ek reply bhi nahi bhej rahi aur tu lagatar msg bhej raha, ladkiya isase sirf iritate hoti hai.
- Ho sakta hai tujhe reply woh nahi uska boyfriend de de. Ab tu bolega ki chalta apan ko, boyfriend se darte thodi na hai. Ha bhai nahi darta hoga, lekin ladki apne boyfriend ko bol rahi ki reply karo ya check karo kaun hai sala isase badi teri beizzati kya hogi.
- Ladke toh hote hi hai despo, unka reply aa jayega. Lekin zara yeh sochna ki sirf kisi ladki ka 'Hi' aaya karke ladka turant reply bhi kar raha aur chat bhi kar raha toh kitna despo hoga.
- Agar ladki ko flirt karna hai toh koi baat nahi lekin flirt nahi karna hai, sirf friendship ya sirf chat karni hai karke ladki ne 'Hi' bheji toh bhi ladki danger zone mein hai. Kyunki agar ladka tumhe janta nahi, pehchanta nahi fir bhi tumhe reply de raha aur chat kar raha toh sirf tum nahi ho jisko woh bhav de raha. Tumhare jaise har ladki ko bina jaan pehchan ke bhav deta hoga woh.
- Busy ladke time lenge apna reply dene mein. Agar ladka busy hai toh samaj lena baat karne layak hai. Agar ladka busy hi nahi, hamesha tumhare 'Hi' pe turant reply karta hai toh aiso ko bas jhulane ke kaam karna behen, aiso ko seriously lena ya inse zyada chat karna matlab apne piche ek chipku lagane ke jaisa hai.
Simple hai, agar tum ladke ho aur ladki ka reply chahte ho isliye usey msg bhej rahe toh uske liye ek dusra article milega Lastbenchersrock.com pe but agar kisi kaam se kisiko contact kar rahe toh first message mein tin chize toh mention honi hi chahiye.
- Tum kaun ho. 'Hello Nitisha, I am Prajakt Rebeloma from Filmdukes Company.
- Tum aage wale ko kaise jante ho. ' I read about your modeling activities in one blog.'
- Tum aage wale se chahte kya ho. 'I am also working on one music video project for which i would like to discuss with it with you.'
- BONUS. Aage waale ko yakin dilao ki aage wala busy person hai aur tum yeh jaante ho. 'I know you must be busy, but whenever you get time, reply me. You can checkout my previous work related our field on www.youtube.com/filmdukes
- BONUS. Professionally bye bolo. 'Regards, Prajakt Rebeloma, Director at Filmdukes.'
Overall, tumhara message kuch is tarah hona chahiye. 'Hello Nitisha, I am Prajakt Rebeloma from Filmdukes Company. I read about your modeling activities in one blog.I am also working on one music video project for which i would like to discuss with it with you.I know you must be busy, but whenever you get time, reply me. You can checkout my previous work related our field on www.youtube.com/filmdukes
Regards,
Prajakt Rebeloma, Director at Filmdukes'
Zyadatar mere zhandu bhai yeh mention hi nahi karte ki aage wale ko woh kaise jante hai aur akhir kaam kya hai. Sirf ek 'Hi' bhej dete hai aur sochte hai 50 ladkiyo ko bheja hai ek toh reply karegi ki. Ab tere ''Hi' ka bhai kya woh achar dalegi.
Comments
Post a Comment