Indian Wedding Photographer Chunte Waqt Yeh 4 Points Yaad Rakhiye

Toh aapke ghar mein shadi hai aur aap kisi wedding photogapher ko hire karna chahte ho. Lekin kya aapko pata hai zyadatar wedding photographers jo aapke ghar aayenge presentation dene ke liye woh ho sakta hai aapko ullu banaye. Kaise?

REMEBER THESE 4 POINTS BEFORE HIRING ANY WEDDING PHOTOGRAPHER IN INDIA

1. Maine ( Prajakt Rebeloma ) aur Mere bhai ( Sanket Galactus ) ne bahot sari weddings shoot ki hai. In fact central india mein Cinematic Wedding Movies ka Trend humne laya tha. Hamare wedding videos itne achhe the ki jaldi hamare shahar ke dusre photographers aur wedding photography studios hamare videos ka istamal karte hai client hasil karne ke liye. Maine yeh chiz mere shahar mein nahi bahot se shaharo mein dekhi hai jaha kisi aur photographer ka kaam dikhake kuch zhandu photographers apne naam pe order uthate hai. Ho sakta hai aapke sath bhi aisa ho. Aur agar aisa hua toh aapka paisa toh chala jayega lekin aapko waisa kaam nahi milega jaisa presentation ke waqt aapne dekha tha.
2. Jisase aap mile, woh ho sakta hai koi wedding photographer ho hi nahi. Woh sirf order uthane ke kaam karta hai 1 lakh ya 2 lakh mein. Fir woh mujhe ya mere bhai ko hire karega half price mein aur baki 50 percent paisa khudki jeb mein dalega. Aise luteru wedding photographers bahot hai market mein jo khud kuch nahi karte bas khudke naam pe kaam uthake kisi aur achhe ko kum daam mein hire karke khudki jeb bharte hai. Ismein galat kuch nahi but can you imagine jo aadmi wedding photographer hai hi nahi woh 50 percent to 60 percent khudki jeb mein dalta hai.
3. Achhe wedding photographers zyada negotiate nahi karte. Mere circle mein jabardast aur zhadu, dono tarah ke filmmakers hai aur maine aksar dekha hai jabardast filmmakers zyada bargain nahi karte. Unhone per day 10,000 rupaye bola hai toh zyada se zyada 8,000 rupayo tak aa jayenge lekin jo zhandu hote hai woh kaam paane ke liye 10,000 rupees per day bolenge aur 3,000 mein bhi ready ho jate hai. Agar aapne bargaining ki aur aage wala bahot kum budget mein ready ho gaya toh samaj jana aapne kisi zhandu ko hire kar liya hai. Aapne Footpath ke koi saman kharida hoga toh aapko pata hoga ki woh jo bolte hai finally uske half price mein bhi saman bech dete hai kyunki unke saman mein quality nahi hote. Wedding photographers bhi kuch aise hi hai, woh koi bhi rate mein kaam karne ko ready ho jaye toh samaj lene aapne SHARK nahi koi ZHINGA pakda hai. In the end aapko presentation ke time jo photos ya videos dikhaye gaye hai waisa kaam kabhi nahi milne wala.
4. Jab aapko kisi wedding photographer ka kaam pasand aaye toh usase zarur puchiye ki jo photos aur videos usne dikhaye hai us client ka budget kitna tha. Hota yeh hai ki aage wala apna best work dikhata hai. Mere pass 60,000 rupees se leke 6 lakh tak ke clients aate hai. Ab zahir si baat hai 6 lakh wale client ka video, photo zyada achha lagega kyunki uske order pe top ke photographers aur cinematographer, top ke equipments aur lenses use huye the. Lekin agar uska work dikhake main 60,000 rupees ka order uthata hu toh 60,000 rupees wala client naraz hoga kyunki usey woh quality nahi milegi. Halaki main apne clients ko wahi kaam display mein dikhata hu jitna uska budget ho but aksar is field mein maine dekha hai ki zyadatar wedding photographers apna best work, top budget wala work dikhake low budget ka order book karte hai. Khud toh paisa kama lete hai lekin client satisfy nahi ho pata.

I hope, yeh 4 points aapke kaam aayenge. By the way, fir bhi koi doubt ho toh contact me for phone consultancy.